Sunnfjord kunstlag

5.september – 20.september Separatutstilling Aage Langhelle. All side stories, Teikning, måleri, objekt. Festsalen
17.oktober – 01.november Separatutstilling Ørnulf Opdahl. Grafikk. Utstillingssalen
28.november – 06.desember Medlemsutstilling. Utstillingssalen

 

Opning Kunstutstilling

 

Sunnfjord Kunstlag byr inn til opning av utstilling med oljemåleri og akvarellar/teikningar av Bjarne Svanøe, laurdag 25.september kl 1300 i Festsalen.
Utstillinga vert opna av Geir Hjetland. Jorunn Russøy medverkar musikalsk.
Kunstnaren vert tilstades. Gratis adgang og alle er velkomne!

 

Om kunstnaren:
Bjarne Svanøe, fødd på Svanøy no busett på Bekkestua, har kunstutdanninga si frå Vestlandske Kunstakademi, Bergen og Statens Kunstakademi, Oslo. I tillegg har han opphald i London, Berlin, Wales og Portugal.


Måleria hans vert gjerne rekna til å høyre heime i stilretningar som realisme og impresjonisme, men det vert óg peika på at penselstroka og fargebruken i dei seinare arbeida hans peikar i retning av, og gjev assosiasjonar til, meir ekspressive uttrykk. I arbeida sine legg han til grunn motiv han har erfart, og kan framstille desse i figurativ form eller abstrahere dei, men heile tida slik at dei har eit attkjennande uttrykk.


Då siste fellesutstillinga til Bjarne Svanøe og Geir Hjetland vart synt på Oseana, skreiv Renate Synnes Handal, meldar i Bergens Tidende, følgjande om Bjarne Svanøe sine arbeid:
«…., mens jeg beveger meg rundt i rommet er det som jeg plutselig «forstår dem». Svanøes malerier, spesielt kystlandskapene, forandrer form og farge foran øynene mine. Store flater bugner inn og ut av forgrunn og bakgrunn, og blir til en slags malerisk film.Tankene spinner rundt hvordan han har jobbet seg frem til dette magiske resultatet. Hvor mange steg han har gått frem og tilbake foran lerretet for å få til livet, dybden og bevegelsene som finnes i flaten.
Og når jeg først lar meg bevege av det ene, åpner de andre seg i tur og orden.»

 

Sunnfjord Kunstlag ynskjer velkomen!

 

Les meir