Førde bibliotek - telefon 57 72 19 10

Neste fredag er det lesestund i barneavdelinga på biblioteket.
Vi startar kl. 10.30, og lesestunda varer ca. 30 minutt.

Dette er siste lesestund før sommaren, så håpar mange vil kome innom oss og høyre Reidun lese frå sine favoritt-biletbøker.

Velkomen til både store og små!

Vi har hatt ein utruleg fin, men kald vår. Omsider byrjar det å vakne til liv i busker og bedd. No kan vårarbeidet i hagen starte!

Treng du tips til beskjæring av tre, spennande plantar eller korleis få plenen grøn og fin?! Vi har laga ei utstilling med mange, fine og godt illustrerte bøker om hage og hagestell.  

Kom og lån!

No har vi endeleg fått installert ny utlånsautomat. Etter to månadar med kø i skranken, kan publikum igjen få ordne utlåna sine sjølv.

På den nye automaten kan du også sjekke "Min status":

• Kva bøker du har lånt, og forlenge lånetida
• Kva bøker du event. har reservert
• Om dei reserverte bøkene er klare til utlån

Hugs  lånekort!

For å makere det store "Språkåret 2013" har vi laga eit eige SPRÅKTRE på biblioteket. Der kan du henge opp eit lauv med eit ORD som du tykkjer er spesielt fint. Det kan vere både på nynorsk, bokmål, samisk eller på dialekt! Treet skal stå i heile år, og vi reknar med det vert fullt opp med lauv i mange fargar og med spennande ord! Både barn og vaksne kan skrive sitt favorittord. På slutten av året skal vi ha trekning av eitt eller fleire ord, og vinnarane får seg ein fin premie!

Har du problem med å kome deg på biblioteket sjølv? Årsakene kan vere mange; sjukdom, alder, glatt føre… Førde bibliotek og Førde Røde Kors kan tilby deg bøker levert på døra!

Har du spørsmål om tilbodet: ta kontakt med Reidun Koksvik, Førde bibliotek, tlf. 57721910.

Tilbodet er gratis!

Førde bibliotek er i Førdehuset. Biblioteket har ope 6 dagar - 48 timar i veka, og har eit mangfaldig tilbod  for store og små av kunnskap og oppleving.